Lajmi i ndërhyrjes kirurgjikale të presidentes Osmani në një spital privat, ka nxitur reagime të shumta. Presidentja po kritikohet se ka zgjedhur një institucion shëndetësor privat dhe jo publik për një ndërhyrje kaq të thjeshtë.
Shumë komentues e kanë krahasuar veprimin e ish presientit Thaçi i cili gjatë pandemisë kishte kryer një ndërhyrje kirurgjikale në QKUK.
Pas shqetësimeve në veshka, ai ishte shtruar në orët e para të mëngjesit për një kontroll dhe më pas i ishte nënshtruar operacionit.
“Sapo jam liruar për trajtim në shtëpi, pas një intervenimi që kisha sot në Klinikën e Urologjisë së Qendrës Klinike Universitare të Kosovës. U jam shumë mirënjohës mjekëve dhe stafit për trajtimin profesional. Po ashtu, i falënderoj të gjithë miqtë dhe përkrahësit që më kanë shkruar dhe janë interesuar për gjendjen time shëndetësore. Pres që të kthehem në punë javën që vjen”, kishte shkruar ish-Presidenti i Kosovës.
