Kryetari i Partisë Demokratike të Kosovës, Memli Krasniqi ka bërë të ditur se ka takuar të ngarkuaren me Punë në Ambasadën Amerikane në Prishtinë, Anu Prattipati.
Krasniqi në një postim në Facebook bën të ditur se në takimin me Prattipatin ka theksuar se vonesat në krijimin e institucioneve të reja po dëmtojnë funksionimin normal të shtetit.
“Si gjithmonë, ishte kënaqësi të mirëpres në takim znj. Anu Prattipati, të Ngarkuaren me Punë në Ambasadën Amerikane në Kosovë. Në frymën e diskutimit për zhvillimit aktuale, theksova nevojën që institucionet e reja të themelohen sa më parë, sepse vonesat po krijojnë pasiguri dhe po dëmtojnë funksionimin normal të shtetit. PDK do të vazhdojë të veprojë me përgjegjësi, në interes të qytetarëve, për stabilitet institucional dhe mbetet e përkushtuar për partneritet të ngushtë me Shtetet e Bashkuara dhe aleatët tanë perëndimorë”, shkruan Krasniqi.