Komisioni Qëndror i Zgjedhjeve (KQZ) njofton se afati i regjistrimit për votim i personave me nevoja të veçanta është i hapur deri më 05.02.2025, në orën 16:00.
“Këta persona mund të regjistrohen për të votuar në shtëpi ose në vendet e tjera ku gjenden, siç janë spitalet, shtëpitë e të moshuarve apo edhe për ata që janë në arrest shtëpiak”- thuhet në njoftimin e datës 04.02.2025.
Tutje, KQZ bën të ditur se regjistrimi duhet të kryhet përmes platformës elektronike në uebfaqen e KQZ-së: www.kqz-ks.org duke klikuar në butonin “Regjistrimi i Personave me Nevoja të Veçanta”, apo edhe përmes zyrave të Komisionit Komunal të zgjedhjeve në komunat përkatëse.
Zgjedhjet e vitit 2025 për Kuvend të Kosovës janë zgjedhjet e gjashta me radhë që do mbahen në Kosovë, që nga shpallja e Pavarësisë së Kosovës më 17.02.2008.
Zgjedhjet që do të mbahen më 09.02.2025, do të jenë zgjedhjet e para të rregullta që Kosova mban që nga shpallja e Pavarësisë në vitin 2008.
Klikoni KËTU për tu bërë pjesë e kanalit të TV Prizreni në Youtube.
