Ministria e Punëve të Jashtme e Kosovës e ka uruar shtetin fqinj të Malit të Zi për Ditën e Pavarësisë.
MPJ shkruan se Kosova mezi pret që edhe më shumë t’i forcojë lidhjet me shtetin malazez.
“Republika e Kosovës është e lumtur që ju ka fqinj dhe mezi pret që të forcojë lidhjen tonë që kemi mes shteteve tona dhe më e rëndësishmja, traditën mes njerëzve tanë të mirë”.
https://twitter.com/MFAKOSOVO/status/1528029841701982209?ref_src=twsrc%5Etfw%7Ctwcamp%5Etweetembed%7Ctwterm%5E1528029841701982209%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fkosova-uron-malin-e-zi-per-diten-e-pavaresise-te-lumtur-qe-ju-kemi-fqinj%2F
Para disa ditës në Prishtinë për herë të parë erdhi presidenti i Malit të Zi, Milo Gjukanoviq, i cili lavdëroi “marrëdhëniet e shkëlqyeshme” të Kosovës dhe Malit të Zi, duke thënë se është i lumtur që edhe Kosova ndan po të njëjtat qëllime strategjike për një të ardhme europiane.
Mali i Zi e mbajti referendumin për pavarësi më 21 maj të 2006-ës. Pas verifikimit, referendumi u përfshi në një deklaratë të pavarësisë gjatë një sesioni të posaçëm parlamentar më 31 maj. Kuvendi i Republikës së Malit të Zi bëri një deklaratë zyrtare të pavarësisë më 3 qershor. Por, 21 maji shënohet si Dita e Pavarësisë.