Kosova përballet sot me Austrinë në stadiumin “Fadil Vokrri” në Prishtinë, në kuadër të ndeshjes së katërt të Grupit B3 të Ligës së Kombeve. Takimi nis në orën 18:00.
“Dardanët” hyjnë në këtë përballje me katër pikë, pas fitores 1:0 ndaj Irlandës, humbjes 3:1 në udhëtim ndaj Austrisë dhe barazimit 0:0 me Izraelin. Austria kryeson grupin me shtatë pikë, ndërsa Irlanda ka katër dhe Izraeli një pikë.
Kosova kërkon fitoren në Prishtinë për të vazhduar garën për kreun e grupit, ndërsa Austria synon të ruajë pozitën e parë. Përballja e fundit mes dy skuadrave, e zhvilluar në Vjenë më 27 shtator, përfundoi me fitoren 3:1 të Austrisë.
