Nënkryetari i komunës së Prizrenit, Kujtim Gashi, i ka pritur në zyren e tij, dy përfaqësues të Rrjetit Ad Hoc për çështjen e vendimit për gjuhën rome, Osman Osmanin dhe Fatmir Menekshen.
Tema e takimit ishte kërkesa për plotësim/ndryshim të Rregullorës së Përdorimit të Gjuhëve në Komunën e Prizrenit, i cili do të jetë dokument publik/komunal i cili do të lehtësojë përdorimin e gjuhës rome në institucione dhe do të ndihmojë efektivitetin në zbatimin e vendimit të njohjes së gjuhës rome si gjuhë në përdorim zyrtarë të datës 31 tetor 2022, në prag të manifestitmit të ditës ndërkombëtare të gjuhës rome – 5 nëntorin.
Përpos këtij takimi, në javën e kaluar, më 2 shkurt është realizuar edhe takimi me kryesuesen e Kuvendit të Prizrenit, Antigona Berisha- Bytyqi, e cila ka treguar gatishmëri për bashkëpunim sikurse tek procedimi në Kuvend të kësaj çështje në tetorin e vitit 2022.
