Faqja zyrtare e komunës së Prizrenit, njofton se kryetari, Shaqir Totaj, në koordinim me drejtorët e drejtorive komunale, kanë përgatitur një dokument me të dhëna për shërbime administrative ku do të informoheni me të gjitha procedurat për t’i marrë dokumentet të cilat lëshohen në Komunën e Prizrenit.
Ky dokument përmban këto shënime: emri i shërbimit që ofron institucioni; drejtoria/sektori që ofron shërbimin; përshkrimin e shërbimit (për çka nevojitet shërbimi); baza ligjore (neni dhe akti nënligjor); a kërkohet plotësim aplikacioni; nëse po, ku merret aplikacioni (fizikisht apo online); nëse shërbimi ofrohet online, ofron linkun e aplikacionit; çfarë dokumentesh kërkohen për aplikim (lista); a është e definuar në legjislacion kjo procedurë e aplikimit apo është zhvilluar si praktikë nga institucioni; nëse po, në cilin ligj apo akt nënligjor; si dorëzohen dokumentet mbështetëse (online apo fizikisht); ku dorëzohen dokumentet (pika e kontaktit); afati ligjor për dhënien e shërbimit; a kërkohet pagesë për këtë shërbim, nëse po, sa është vlera e pagesës; në çfarë forme bëhet pagesa (para në dorë, bankë/postë, elektronikisht; sa është vlefshmëria (validiteti) e shërbimit; sa shërbime të tilla lëshohen brenda vitit; shërbimi ofrohet për: qytetarë, biznese, OJQ; si merret (pranohet) shërbimi nga pala (elektronike, fizikisht, e-mail); nëse pala ka ankesë, ku të drejtohet/dorëzohet ankesa; sa ditë është afati i ankesës si dhe koment/sqarim nëse keni.
Në këtë vegëz: https://kk.rks-gov.net/…/category/sherbime-administrative/ , mund ta gjeni dokumentin e shërbimeve administrative që ofron Komuna.
Plotësim/Ndryshimi i këtij dokumenti do të bëhet çdo fillimvit, thuhet në fund të këtij njoftimi.