Komuna e Prizrenit sot ka nënshkruar kontratë me Institutin për Hulumtime Zhvillimore “Riinvest”, për zbatimin e procedurës së vlerësimit të qeverisjeve lokale dhe certifikimit me mjedis të favorshëm biznesi.
Për këtë ka njoftuar kryetari i komunës, Shaqir Totaj, përmes një njoftimi në facebook.
“Qëllimi i kësaj kontrate është vendosja e bashkëpunimit dhe krijimi i ambientit adekuat për bizneset në rajonin e Evropës Juglindore përmes përmbushjes së kritereve dhe kërkesave të standardit BFC SEE – Edicioni i IV-të”, thuhet tutje në postimin e kryetarit.
