Komuna e Prizrenit përmes një postimi në facebook ka njoftuar se, Drejtoria e Shërbimeve Publike (DSHP) ka filluar impelementimin e projektit “Vendosja e sinjalizimit horizontal dhe vertikal” në komunën e Prizrenit.
Në kuadër të projekti, i cili synon përmirësimin e infrastrukturës rrugore dhe ngritjen e sigurisë në trafik, janë duke u ndërruar dhe plotësuar të gjitha shenjat e trafikut dhe i gjithë sinjalizimi horizontal.
Shenjat vertikale janë te tipit “3M Diamond Grade”, të kualitetit më të lartë, ndërsa shenjëzimi është “Termoplastik”, i cili aplikohet për herë të parë në Prizren!
Po ashtu, në kuadër të këtij projekti, Drejtoria për Shërbime Publike së shpejti do të fillojë edhe implementimin e sinjalizimit ndriçues.
Komuna e Prizrenit do të vazhdojë punën për përmirësimin e sigurisë në trafik, duke vendosur pajisje bashkëkohore dhe kualitative, thuhet në njoftimin e komunës së Prizrenit./tvprizreni.net/
