Drejtoria për Turizëm dhe Zhvillim Ekonomik e Komunës së Prizrenit ka ftuar bizneset dhe akterët e sektorit të turizmit që të marrin pjesë në panairin ndërkombëtar “Tourism Fair Albania 2026 (TFA26)”, i cili do të mbahet më 11–12 shkurt 2026 në Pallatin e Kongreseve, Tiranë.
“Ky panair organizohet nga Iceberg Exhibitions, në bashkëpunim me Neë Deal Europe dhe mbështetet nga Ministria e Turizmit, Kulturës dhe Sportit e Shqipërisë. TFA26 konsiderohet një nga ngjarjet kryesore të industrisë së turizmit në rajonin e Ballkanit Perëndimor, duke ofruar mundësi të rëndësishme për promovim, rrjetëzim dhe bashkëpunime B2B” – thuhet në njoftim.
Kush mund të aplikojë për pjesëmarrje, sipas njoftimit të komunës:
Hotelet dhe resortet
Operatorët turistikë dhe agjencitë turistike
Guidat turistike
Bizneset e transportit turistik
Operatorët e udhëtimeve dhe makinave me qira
Platformat digjitale dhe bizneset inovative në sektorin e mikpritjes dhe hotelerisë
Tutje, Komuna e Prizrenit thekson se do ta mbështesë pjesëmarrjen duke siguruar hapësirën ekspozuese, të përbashkët në panair, me qëllim promovimin e përbashkët të ofertës turistike të qytetit dhe bizneseve lokale.
“Të interesuarit mund të regjistrohen personalisht në zyrat e Drejtorisë për Turizëm dhe Zhvillim Ekonomik ose përmes e-mail-it: dtzhepz@gmail.com nga data 27/01/2026 deri më 02/02/2026. Për informata shtesë, mund ta kontaktoni Drejtorinë për Turizëm dhe Zhvillim Ekonomik – Komuna e Prizrenit” – thuhet në njoftim.
Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.
Klikoni KËTU për tu bërë pjesë e kanalit të TV Prizreni në Youtube.
