Ekipi për asgjësimin e mjeteve shpërthyese të KFOR-it të udhëhequr nga NATO ka ekzaminuar pesë zollat e gjetura dje në afërsi të Manastirit të Banjskës. Sipas njoftimit të KFOR-it armatimi i gjetur u dërguan në laboratorët e mjekësisë ligjore.

“Ekipi për asgjësimin e mjeteve shpërthyese i Komandës Rajonale në Lindje të misionit të KFOR-it të udhëhequr nga NATO ekzaminoi pesë zolla të zbuluara në një depo në komunën e Banjskës nga Policia e Kosovës dhe i dërgoi ato në laboratorët e mjekësisë ligjore. Bashkë me ekipin kemi punuar në koordinim të ngushtë me Policinë e Kosovës”, thuhet në njoftimin e KFOR-it.

Sipas njoftimit, Batalioni i Manovrimit të KFOR-it po siguron më tej zonën për të parë nëse mund të gjendjen depo tjera të mundshme pranë këtij objekti.

“Batalioni i Manovrimit i KFOR-it po siguron më tej zonën për të parë nëse mund të gjenden depo të tjera të mundshme pranë këtij objekti. KFOR-i vazhdon të zbatojë mandatin e tij – bazuar në Rezolutën e Këshillit të Sigurimit të OKB-së të vitit 1999 – për të ofruar një mjedis të sigurt dhe të qetë për të gjitha komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, thuhet në këtë njoftim.