Këtë javë pritet të vjen një kontingjent tjetër i vaksinave kundër COVID-19 në Kosovë.
Këtë e kanë konfirmuar për Front Online nga Ministria e Shëndetësisë.
Me këtë kontingjent arrihet shifra e donacionit nga programi COVAX prej 720 mijë dozave.
“Me kontigjentin e radhës qe këtyre ditëve do ta sjell COVAX, plotësohet shifra prej 720 000 dozave, apo 360 000 vaksinave qe ky mekanizëm i ka ndare për Kosovën”, thuhet në përgjigjjen e MSh-së për Front Online.
Tutje nga MSh-ja kanë sqaruar për publikun se të gjitha këto vaksina janë dhënë falas.
“Te gjitha vaksinat e siguruara përmes mekanizmit COVAX, janë marre falas si donacion”, kanë thënë nga MSh-ja.
COVAX është një mekanizëm i disponueshëm për çdo vend, përmes të cilit ata mund të i qasen në mënyrë të barabartë vaksinave kundër COVID-19 të aprovuara nga OBSh-ja.
Më 28 maj të këtij viti në mbledhje të Qeverisë, ministri i Shëndetësisë, Arben Vitia, kishte njoftuar për arritjen e marrëveshjes me kompaninë Pfizer për blerjen e 1 milion e 200 mijë vaksina kundër COVID-19.
Tash e sa muaj kjo kontratë nuk është bërë publike nga MSh-ja.
Front Online ka pyetur prapë MSh-në për vlerën e kësaj kontrate por të njëjtit janë arsyetuar se kontrata është konfidenciale.
“Kontrata MSh-Pfizer është konfidenciale sa i përket pjesës financiare te vaksinave qe janë siguruar përmes kësaj kontrate”, thuhet në përgjigjjen e tyre për Front Online .
Procesi i vaksinimit masiv në ka filluar më 15 qershor dhe po vazhdon edhe tani ndonëse ditëve të fundit me një ritëm të shtuar.
Në 24 orët e fundit janë dhënë 16.905 doza të vaksinës kundër COVID-19.
Kurse në nivel vendi prej fillimit të vaksinimit në të gjitha qytetet e Kosovës janë dhënë 521.737 doza të vaksinës. /Front Online/