Leo Messi me shokë ka zbritur në Itali.
Rreth 100 tifozë, të cilët nuk kishin vendosur maska, e priten Barcelonën dhe Lionel Messin në hotelin e tyre në Torino të martën, para ndeshjes së sotme kundër Juventusit në Ligën e Kampionëve.
Juventusi është nikoqir i Barçës sonte në Allianz Stadium, në një ndeshje të Grupit G që nis në orën 21:00.
Kampioni italian do të jetë pa Cristiano Ronaldon, i cili ende nuk është shëruar nga koronavirusi, si dhe pa Giorgio Chiellinin e lënduar, ndërkohë Leonardo Bonucci është në dyshim.
Ndërkohë, ekipi i Barcelonës mbërriti në qendër të Torinos të martën në mbrëmje.
Messi dhe Barcelona u mirëpritën nga rreth 100 tifozë të moshës mes 16 dhe 18 vjeçe, por vetëm pak prej tyre bartnin maska mbrojtëse të virusit.
Vetëm dje, në Itali u shënuan 21.994 raste të reja me Covid-19.
Turma e të rinjve u mbikëqyr nga vetëm dy policë, por askush nuk u lejua të ketë kontakt fizik me Messin apo bashkëlojtarët e tij.