Gerard Araud, këshilltar i presidentit francez, Emanuel Macron “ia ka shkëputur” shpresat kosovarëve duke thënë se liberalizimi nuk do të ndodhë as “në ëndërra” në vitin 2022.
Araud, teksa komentonte deklaratën e Borrellit se BE-ja duhet t’ua heq vizat kosovarëve, në një postim në Twitter aludoi se atmosfera në Bashkimin Evropian nuk shkon në një frymë të këtillë.
Kjo shkaktoi reagimin e ish-ambasadorit Bernard Nikaj, i cili replikoi se shpreson që gjatë presidencës franceze të Këshillit Evropian më 2022 do të ndodhë liberalizimi.
E kjo u përcoll me përgjigjen e ashpër të këshilltarit të Macron.
“Në vitin e zgjedhjeve presidenciale dhe legjislative? Ti je duke ëndërruar”, u shpreh Araud.
Ndryshe, tanimë dihet publikisht se Franca është një ndër shtetet e BE-së që po e pengon heqjen e vizave për kosovarët.
Bashkë me Francën, Holanda është shteti tjetër që ka shprehur skepticizmin e saj në lidhje me këtë proces, pavarësisht thirrjeve nga akterë të rëndësishëm në BE që ky proces të përfundojë sa më shpejtë.
