Kompania për Distribuimin e Energjisë Elektrike (KEDS) ka njoftuar se kërkesa në rritje për energji po shkakton mbingarkesa në rrjet.
Në njoftimin e KEDS-it në Facebook, ku ka bashkëngjitur edhe infografikën është paraqitur ngarkesa maksimale mujore e energjisë elektrike për këtë vit, krahasuar me periudhën e njëjtë të vitit të kaluar, për çka thuhet se po arrin nivele rekord.
“Siç shihet qartë, kërkesa për energji është në rritje të vazhdueshme, duke arritur tashmë mbi 1,400 MWh. Kjo rritje po shkakton mbingarkesa të shpeshta në rrjet, sidomos për shkak të ngrohjes masive me energji elektrike”, thuhet në njoftim.
KEDS-i ka theksuar se kursimi i energjisë elektrike është i domosdoshëm.
Klikoni KËTU për tu bërë pjesë e kanalit të TV Prizreni në Youtube.
