KEDS ka mbajtur sot konferencë për media, ku zëdhënësi i saj, Viktor Buzhala ka thënë se ka përmirësim të gjendjes së furnizimit me energji elektrik.
Ai deklaroi se përmirësimi ka ardhur pasi çmimet në tregjet ndërkombëtare dhe kërkesa për energji elektrike kanë rënë.
“Po flasim për një përmirësim të gjendjes, pasi çmimet në tregjet ndërkombëtare kanë rënë, ka rënë edhe kërkesa pasi sot temperaturat janë 7-8 gradë plus ndërsa para dy-tri ditësh kanë qenë 7-8 gradë minus. Këtu ka rënie të konsumit dhe është përmirësuar gjendja”, ka thënë ai.
