Instituti Demokratik i Kosovës ka reaguar pas dështimit të dyfishtë të kalimit të raundit të parë në zgjedhjen e presidentit.

Në reagimn e KDI-së thuhet se mungesa e kuorumit për votimin e presidentit tregon joseriozitetin e partive politike.

Tutje thuhet se duhet të shmangen zgjedhjet e reja duke i hapur rrugë funksionalizimit të insitucioneve.

“Përsëritja e dyfishtë të raundit të parë, respektivisht dështimi i këtyre procedurave në mungesë të kuorumit të nevojshëm, është një zhvillim i paprecedentë në historinë politike të Kosovës. Kjo shpërfaqë mungesën e seriozitetit të subjekteve politike në formimin e institucioneve dhe përmbylljen e një prej proceseve më të rëndësishme në vend, atë të zgjedhjes së Presidentit/es”.

“Kërkojmë nga subjektet politike që të përfshihen në konsultat të nevojshme, në funksion të arritjes së konsensusit për përmbylljen e kësaj procedure. Në një situatë të tillë pandemike, me probleme të shumta me të cilat ballafaqohen qytetarët, zgjedhjet nuk duhet të shihen si opsion nga asnjë prej subjekteve politike”.