Këshilli i Bashkësisë Islame në Prizren ka mbajtur mbledhjen e rregullt me imamët e komunës, ku janë shqyrtuar aktivitetet dhe realizimet gjatë vitit 2025, si dhe sfidat aktuale në jetën fetare.
Mbledhja u kryesua nga kryetari i Këshillit, Valon ef. Ibrahimi, i cili vlerësoi angazhimin e imamëve dhe rolin e tyre në shoqëri. Para të pranishmëve, administrata e KBI-së prezantoi raportin e punës për vitin e kaluar.
Kryeimami, dr. Orhan ef. Bislimaj, raportoi mbi zhvillimin e aktiviteteve fetare, me theks të veçantë në funksionimin e mektebit dhe sfidat me të cilat përballen imamët në terren. Ndërkohë, sekretari dr. Faruk ef. Ukallo ngriti çështje që lidhen me funksionimin administrativ, duke kërkuar më shumë disiplinë në zbatimin e vendimeve.
Gjatë takimit, imamët parashtruan pyetje dhe diskutuan për problematika të ndryshme që prekin bashkësinë myslimane në Kosovë, si dhe dhanë propozime konkrete për vitin 2026.
Klikoni KËTU për tu bërë pjesë e kanalit të TV Prizreni në Youtube.
