Kuvendi i Kosovës, sot më 15.04.2025 do të mbajë seancën konstituive të legjislaturës së nëntë.
Seanca konstituive pritet të nis në ora 10:00.
Në rend të ditës janë katër pika:
1.Formimi i Komisionit të përkohshëm për verifikimin e kuorumit dhe të mandateve të deputetëve,
- Betimi i deputetëve,
- Zgjedhja e Kryetarit të Kuvendit,
- Zgjedhja e nënkryetarëve të Kuvendit.
Në bazë të rezultateve të Zgjedhjeve të 9 shkurtit 2025 Lëvizja Vetëvendosje ka marrë 42.30% të votave – duke i siguruar 48 deputetët në Kuvend, Partia Demokratike e Kosovës ka marrë 20.95% të votave apo 24 deputetë, Lidhja Demokratike e Kosovës me 18.27% apo 20 deputetë dhe koalicioni AAK-NISMA 7.06% apo 8 deputetë. Lista Serbe do t’i ketë 9 deputetë, 1 ulëse nga komuniteti serb e ka fituar partia e Nenad Rashiqit.10 deputetët e tjerë do të jenë nga komunitetet e tjera joshumicë.