Janë kapur afër 15 mijë litra alkool të prodhuara ilegalisht në regjionin e Gjakovës.
Dogana e Kosoves nën udhëheqjen e Prokurorisë Themelore në Gjakovë dhe me Urdhër të Gjykatës Themelore në Gjakovë, ka organizuar kontrolle në katër lokacione të dyshuara për prodhim ilegal të pijeve alkoolike.
Në një komunikatë për media bëhet e ditur se në këto lokacione është gjetur sasi e konsiderueshme e këtyre pijeve të prodhuara ilegalisht, përcjell Klankosova.tv.
“Në 4 lokacionet është gjetur sasi e konsiderueshme e pijeve alkoolike të prodhuara ilegalisht dhe me kete rast i jane shmangur taksave dhe njekohesisht është prodhim ilegal dhe i pakontrolluar e që paraqet rrezik potencial për shëndetin e qytetarve të Republikës së Kosovës”, thuhet në komunikatë.
Gjithsejt janë sekuestruar 14 mijë e 828 litra pije alkoolike si në vijim:
– 10 mijë e 518 litra raki
– 4 mijë litra verë
– 310 litra liker
Klikoni KËTU për tu bërë pjesë e kanalit të TV Prizreni në Youtube.
