Anëtarja e Kryesisë së PDK-së, Besa Kabashi-Ramaj, e cila është edhe eksperte e sigurisë, ka thënë se qytetarët e Kosovës s’duhet shqetësuar për situatën e krijuar në veri të vendit pas vendosjes së reciprocitetit nga Qeveria e Kosovës për targat serbe.
Ajo ka thënë se nuk potencial real për një konflikt të mundshëm.
“Qytetarët gjatë kësaj kohe kanë qenë pala më e shqetësuar dhe më pak e informuar në detaje se çfarë po ndodh atje. Qytetarët e Kosovës duhet ta kuptojnë se s’kanë arsye pse të brengosen për shkak se konteksti ku është duke u zhvilluar përshkallëzimi i situatës gjatë ditëve të fundit ka më shumë të bëjë me rolin destruktiv që Serbia ka në rajon sesa ka të bëjë me një potencial real për konflikt. Kjo duhet ripërsëritur te qytetarët duke marrë parasysh shqetësimet që janë krijuar te ata”.
