Kryetari i SBASHK-ut, Rrahman Jasharaj, ka thënë se është turp që krerët e shtetit po shkojnë në SHBA e vende të tjera dhe nuk po merren me punëtorët e Kosovës.
Ai paralajmëroi veprime të radhës sindikaliste nëse kërkesat e sindikatave nuk përmbushen.
“Qeveria sot po e sheh që nuk po flet Atdhe Hykolli, as Rrahman Jashari, as Sali Gashi, por po flet punëtoria e Kosovës. Qeveri këta janë njerëzit tu, i kanë sytë drejt teje dhe është turp të qëndroni nën hije, të qëndroni në Amerikë e gjetkë e të mos dilni këtu e ta thoni të vërtetën para këtyre njerëzve. Qeveri ne po i lutemi zotit që të këndelleni dhe t’i realizoni kërkesat. Në të kundërtën pas kësaj proteste do të ketë veprime edhe më të rënda që ne nuk i duam por ju si duket po i doni”, tha ai para protestuesve.
