Ligjvënësit amerikanë kanë votuar të mërkurën kundër një mase për fuqitë e luftës që do të kishte kufizuar aftësinë e presidentit Donald Trump për të urdhëruar veprime të mëtejshme ushtarake në Iran.
Masa nuk ka arritur të kalojë në senat me 47 vota pro dhe 53 kundër. Dhoma e Përfaqësuesve do të votojë për të njëjtën çështje të premten.
Irani ka lëshuar më shumë raketa drejt Izraelit, ka bërë të ditur ushtria izraelite, teksa shpërthimet janë dëgjuar edhe në Jerusalem.
Ndërkohë, ushtria amerikane ka identifikuar dy ushtarakë të tjerë që besohet se janë vrarë në një sulm me dron në Kuvajt.
Ushtria e Izraelit ka thënë se ka nisur një “valë të re sulmesh” që synonin infrastrukturën ushtarake në Teheran.
Ushtria ka thënë gjithashtu se ka goditur objektivat e Hezbollahut në Bejrut të enjten në mëngjes.
Sekretari amerikan i Mbrojtjes Pete Hegseth, ka konfirmuar se një nëndetëse amerikane ka fundosur një anije luftarake iraniane në Oqeanin Indian. Pentagoni më vonë publikoi pamjet e sulmit.
Rreth 180 persona mendohet se kanë qenë në bordin e anijes Iris Dena – 32 janë shpëtuar dhe autoritetet e Sri Lankës thonë se deri më tani janë gjetur 80 trupa./KOHA
Klikoni KËTU për tu bërë pjesë e kanalit të TV Prizreni në Youtube.
