Instituti Hidrometeorologjik i Kosovës (IHMK) ka njoftuar se e diela do të karakterizohet me mot kryesisht të vranët dhe reshje shiu, të cilat në disa zona mund të jenë më të theksuara.
Sipas parashikimit të IHMK-së, temperaturat minimale do të lëvizin nga 6 deri në 11 gradë Celsius, ndërsa ato maksimale nga 12 deri në 16 gradë Celsius.
Era do të fryjë nga verilindja dhe veriperëndimi, me shpejtësi prej 1 deri në 9 metra në sekondë.
Sa i përket kushteve biometeorologjike, IHMK vlerëson se rënia e temperaturave, vranësirat dhe reshjet e shiut mund të ndikojnë në mirëqenien e personave të ndjeshëm ndaj ndryshimeve të motit.
Megjithatë, reshjet pritet të jenë të dobishme për furnizimin e tokës me lagështi dhe për mbarëvajtjen e fushatës së mbjelljeve vjeshtore.
