Drejtoria Rajonale e Policisë në Gjakovë gjatë datës 01.07.2024, ka lëshuar kërkesë për bashkëpunim me qytetarë  për identifikimin e një personi të dyshuar , të cilit i është publikuar po ashtu edhe foto që qytetarët të mund të ndihmojnë policinë në gjetjen e këtij përsoni.

Stacioni Policor në Rahovec falë bashkëpunimit me qytetarët dhe mediat, ka arratur që për një kohë të shkurtër të sigurojë informacion për identitetin dhe vendndodhjen e tij.

Më pas ditën e sotme më datën 02.07.2024, ditë e martë, i dyshuari me iniciale B.S, mashkull kosovar,i lindur në vitin 1961, është intervistuar mbi dyshimin e përfshirjes në rastin e vjedhjes së raportuar.

Me vendim të prokuroritë shtetit, rasti do të trajtohet në procedurë të rregullt.

“Drejtoria Rajonale e Policisë në Gjakovë, falënderon të gjithë qytetarët dhe mediat për bashkëpunimin e treguar me Policinë e Kosovës, bashkëpunim ky i cili kontribuon në ruajtjen e rendit dhe sigurisë publike.”, thuhet në fund të njoftimit nga Policia e Kosovës.