Një rast i dyshuar i marrjes së kundërligjshme të fëmijëve është duke u hetuar nga Policia e Kosovës, pasi një 35-vjeçar nga Malisheva ka denoncuar ish-bashkëshorten e tij se është larguar me fëmijët në Francë pa pëlqimin e tij, raporton Sinjali.
Sinjali mëson ekskluzivisht se e dyshuara është M. M., 30 vjeçare, ndërsa ankues është ish-bashkëshorti i saj, H. I., 36 vjeçar.
Sipas burimeve të Sinjalit, çifti ndodhet në proces të ndarjes, ndërsa ankuesi ka deklaruar para Policisë se ish-bashkëshortja kishte marrë fëmijët e tyre dhe ishte larguar drejt Francës pa autorizimin e tij.
