Trusti ka njoftuar qytetarët se kanë funksionalizuar edhe ueb-faqen www.trusti10.org për aplikim për tërheqjen e 10 përqindëshit, shkruan GazetaBlic.
“Edhe adresat e tjera, që i kemi publikuar mbrëmë për aplikim, dhe përmes të cilave janë realizuar mbi 230 mijë aplikime deri në mëngjes, vazhdojnë të jenë aktive dhe mund të aplikohet në to.
Për të gjitha çështjet e tjera teknike me llogaritë bankare jemi duke u marrë, dhe për disa tashmë kemi gjetur zgjidhje, e ditëve në vijim do t’ju njoftojmë për çështjet e tjera që janë shfaqur në konfirmimin e llogarive bankare”, thuhet në njoftim.
Tutje në njoftim thuhet se janë edhe dy javë për të aplikuar për pagesat e dhjetorit, si edhe tre muaj të tjera në fillim vitin 2021 (deri më 6 prill 2021 mbyllet afati i aplikimit).
Aplikimi për tërheqjen e 10 përqindëshit ka filluar dje pas orës 15:00, derisa mbi 230 mijë qytetarë kanë aplikuar deri më tani./GazetaBlichttps://www.facebook.com/TrustiPensional/posts/3610035335750133