Instituti Hidrometeorologjik i Kosovës parashikon riga shiu dhe shkarkime rrufesh sonte, 17.07.2024, të enjten dhe të premten.
Të enjten pritet të ketë mot me diell dhe vranësira. Gjatë ditës, sipas IHMK-së, do intensifikohen vranësirat dhe krijohen kushte për riga shiu dhe shkarkime rrufesh teksa në disa zona ekziston rreziku për breshër.
Temperaturat për këtë ditë pritet të shkojnë nga 15 në 18 gradë Celsius minimalet dhe 30-34 maksimalet.
Të premten po ashtu pritet mot me diell dhe pjesërisht i vranët kurse vranësirat gjatë ditës parashikohet të dendësohen dhe të krijojnë mundësi për riga shiu dhe shkarkime rrufesh.
Temperaturat minimale pritet të shkojnë nga 15 deri në 19 gradë Celsius kurse ato maksimalet nga 31 në 33.
Gjatë natës së 17.07.2024 pritet të ketë riga shiu dhe shkarkime rrufesh në vise të larta.
Klikoni KËTU për tu bërë pjesë e kanalit të TV Prizreni në Youtube.
