Pas tensionit të rritur në raportet Kosovë-Serbi, nesër do të mbahet një takim i Këshillit të Sigurisë së Kosovës.
Gazeta Express përmes burimeve kupton se ky takim vjen si rezultat i arrestimit të tre policëve kufitarë të Kosovës nga forca serbe brenda territorit të shtetit.
Deri tani, Qeveria e Kosovës ka reaguar ndaj akteve provokuese serbe, duke ndaluar hyrjen e të gjitha mallrave serbë në tregun e Kosovës.
