Në Prizren nga Sektori i Hetimeve të Stacionit të Policisë është duke u kërkuar një grua për shpërdorim të pasurisë së huaj, konkretisht të hollave dhe dokumenteve personale.
Rasti ka ndodhur më datë 5.1.2024 rreth orës 20:30 në rrugën “Rifat Ukimeri” në Prizren, ku viktimës i ka rënë kuleta së bashku me dokumente personale.
Pas raportimit, në kamera të sigurisë nga policia është vërejtur se një grua merr kuletën e tij dhe largohet në drejtim të panjohur. Lidhur me këtë janë siguruar disa video regjistrime si dhe foton e dyshuarës e cila dyshohet të ketë marr kuletën e ankuesit.
Policia me këtë rast kërkon bashkëpunim nga të gjithë qytetarët, që nëse kane çfarëdo informate për vendndodhjen e të dyshuarës në foto, të raportojnë policinë në Prizren në numrin 192, apo në ndonjërin stacion të policisë në Kosovë.
Njoftimi i plotë:
Kërkohet një e dyshuar për shpërdorim të pasurisë huaj-kuletës me të holla dhe dokumente
Prizren, 17 Prill 2024
Sektori i Hetimeve të Stacionit të Policisë në Prizren është duke zhvilluar hetime lidhur me veprën “Shpërdorim i pasurisë së huaj”, konkretisht me datën 05.01.2024, rreth orës 20:30, në rrugën “ Rifat Ukimeri” në Prizren viktimës i ka rënë kuleta me dokumente dhe pra në të. Pas raportimit, në kamera sigurisë nga policia është vërejte se një grua merr kuletën e tij dhe largohet ne drejtim te panjohur. Lidhur me këtë janë siguruar disa video regjistrime si dhe foton e dyshuarës e cila dyshohet te ketë marr kuletën e ankuesit.
Nga video regjistrimet nga kamerat e sigurisë është siguruar fotografi e të dyshuarës , mirëpo deri tani nuk është rezultuar në identifikim i tij. Me qëllim të ndriçimit të rastit nga Prokuroria Themelore në Prizren, kemi marr Autorizimin në pajtim dispozitave të nenit 76 prag 2 te KPPRK-së, për publikimin e fotografive të dyshuarës në mediume televizive dhe media sociale, ku kërkohet bashkëpunim-ndihmë nga qytetarët në ofrimin e informatave, që do të na ndihmonin në identifikim dhe arrestimin e të dyshuarës. Andaj kërkojmë bashkëpunim nga të gjithë qytetarët, që nëse kane çfarëdo informate apo din diçka për vendndodhjen e të dyshuarës në foto, të raportojnë policinë në Prizren në numrin 192, apo në cilin do stacion të policisë në Kosovë.