AGK-ja del kundër kufizimit të hapësirës për mediat në Kuvend

Asociacioni i Gazetarëve të Kosovës (AGK) ka kundërshtuar kufizimin e hapësirës së punës për mediat në Kuvend, duke thënë se ky vendim vështirëson raportimin profesional dhe të plotë.

Nëpërmjet Facebookut, AGK-ja tha se vendimi i Kuvendit për medias nuk i kontribuon transparencës për punën e deputetëve, derisa i ka bërë thirrje që të marrë masa për të lehtësuar punën.

“Gazetarët, kameramanët dhe fotoreporterët që raportojnë nga Kuvendi i Kosovës kanë njoftuar se në seancën e së enjtes, janë ballafaquar me kufizim të dukshëm të kryerjes së detyrave nga hapësira e Kuvendit të Kosovës. Në hapësirën lart prej nga mediet raportojnë është vendosur një shirit që u pamundëson medieve të marrin pamjen e plotë të Kuvendit dhe deputetëve. AGK-ja e kundërshton fuqishëm këtë vendim, që ka për tentim vështirësimin e raportimit profesional dhe të plotë nga Kuvendi”, thuhet në njoftim.

Për shkak të këtij vendimi, gazetarët janë larguar nga punimet e Kuvendit, derisa seanca po mbahet.

AGK-ja del kundër kufizimit të hapësirës për mediat në Kuvend

Të tjera nga rubrika

Publikohet formacioni i Kosovës për ndeshjen ndaj Irlandës

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve