Policia e Kosovës ka gjetur serish armë dhe municione pasditen e sotme, më 16.04.2025, në veri të vendit.
KALLXO.com merr vesh se fillimisht Policia ka pranuar informata nga një qytetar lidhur më dyshimet se në një lokacion në Mitrovicë të Veriut ka armë dhe më pas ka ndërmarrë hapat e nevojshëm duke kryer kontrolle.
Armët dhe municioni janë gjetur në bodrumin e një ndërtese kolektive në rrugën “Ivo Lola Ribar”.
Në këtë operacion, Policia ka gjetur dhe konfiskuar: 8 karikatorë me fishekë, 1 tromblon dhe disa pajisje shtesë për montim në armë të destinuara për gjuajtje me tromblon.
Kallxo.com merr vesh se lidhur me rastin, Policia ka kontaktuar prokurorin e shtetit dhe ka nisur hetimet për zbardhjen e plotë të rastit dhe identifikimin e personave përgjegjës.