Ambasadori amerikan në Kosovë, Jeffrey Hovenier ka kërkuar nga Qeveria e Kosovës që të fillojë urgjentisht negociatat për Asociacionin.
“I kërkojmë Qeverisë së Kosovës që të mos vazhdojë me gjobat [për qytetarët serbë në veri], që të zgjasë për dhjetë muaj afatin riregjistrimin e makinave dhe që të fillojë urgjentisht negociatat për formimin e Asociacionit”, tha ai sot në një takim me gazetarë.
Deklarata e ambasadorit amerikan vjen disa ditë pasi zyrtarët e Listës Serbe njoftuan se serbët e veriut do të largohen nga institucionet e Kosovës.
Vendimi i serbëve erdhi pasi Qeveria e Kosovës nisi më 1 nëntor zbatimin e një plani për riregjistrimin e veturave me targa ilegale serbe.
Bashkimi Evropian dhe Shtetet e Bashkuara të Amerikës i kërkuan kryeministrit të Kosovës, Albin Kurti, që ky plan të shtyhet për dhjetë muaj, mirëpo kjo kërkesë u refuzua
