Kandidati i LDK-së për kryeministër, Avdullah Hoti, ka thënë se ai do të dëshironte një përballje me kandidatët tjetër për kryeministër nga partitë tjera.
“Do të doja t’i kisha përballë edhe kandidatët tjerë dhe t’i krahasojmë programët tona për ekonomi, shëndetësi, politikë të jashtme. Të debatonim për këto programe pa u fyer, por vetëm duke i ballafaquar ato”, ka thënë Hoti në RTK.
Ai ka thënë se debatet aktuale në Kosovë më shumë po kanë të bëjnë se kush është në lista e kush mbetet jashtë, por se kjo nuk i intereson askujt.
Sa i përket mundësisë që lideri i VV-së, Albin Kurti, të mbetet jashtë listës zgjedhore, Hoti ka thënë se ai garën zgjedhore dëshiron ta bëjë me ata që nuk kanë problem me ligjin.
“Duhet ta bëjmë garën zgjedhore me standard demokratike, e jo debate për listat zgjedhore”.
