KRU “Hidroregjioni Jugor” ka njoftuar se sot si pasojë e ndërprerjes së energjisë elektrike, në disa fshatra të komunës së Prizrenit do të ketë mungesë të furnizimit me ujë të pijes.

Nga ora 10:00 deri në 14:00 ndërprerje të ujit të pijes do të ketë në fshatin Vërmicë, Zhur, Shkozë dhe Dobrusht.

Hidroregjioni njofton se furnizimi i rregullt me ujë do të rikthehet menjëherë pas normalizimit të energjisë elektrike.