Hekuran Murati ia dorëzon detyrën në ministrinë e re Andin Hotit

Qeveria Kurti 3 ka sjellë ndarje të disa ministrive. Ndër to është edhe ajo që deri më tani ka funksionuar si Ministria e Financave, Punës dhe Transfereve. Nga tash, ajo do të funksionojë me dy dikastere të veçanta: Ministria e Financave dhe Ministria për Punë, Familje dhe Vlera të Luftës Çlirimtare.

Hekuran Murati i cili deri më tani ka shërbyer si Ministër i Financave, Punës dhe Transfereve, i ka dorëzuar detyrën e ministrit të ri për Punë, Familje dhe Vlera të Luftës Çlirimtare, Andin Hoti.

Gjatë takimit, nga Ministria kanë njoftuar se Murati e ka informuar Hotin me punën e deritanishme si dhe me sfidat që presin adresim në të ardhmen.