Se në Kosovë vazhdon të ketë ende llojllojshmëri të dallavereve, kuptohet edhe në rastin e fundit të ndodhur në kuadër të gjyqësisë në vend.
Kryeprokurori i Prokurorisë Themelore në Gjakovë, Ramiz Buzhala dyshohet se ka shpërndarë pyetjet e testit për bashkëpunëtorët profesional.
I njëjti raportohet se pyetjet i ka dërguar gabimisht në numrin e një prej gazetareve të kallxo-s, duke shkruar këto janë pyetjet e testit me shkrim.
Këto pyetje i njëjti raportohet ti ketë dërguar duke menduar se po ia dërgonte një personi tjetër.
Madje ai i bëri thirrje kandidates po ashtu me emrin Adelina, që të shfrytëzojë kohën deri në ora 13:00.
Pasi kontaktohet, Buzhala vetëm thotë “gabim”, por s’tregon se për kë ishin adresuar pyetjet.
E pas kësaj i menjëhershëm ka qenë reagimi i ministres së Drejtësisë, Albulena Haxhiu.
Ajo tha se janë të panumërta ankesat që adresohen në MD, lidhu me procedurat e rekrutimit në sistemin e drejtësisë.
“Kandidatët në vazhdimësi ankohen për punësimin e familjarëve, miqve pra për procese të kurdisura.
Lajmi i sotëm nga portali kallxo.com, që kryeprokurori i Prokurorisë Themelore në Gjakovë, i ka dërguar pyetjet një kandidati për bashkëpunëtor profesional (por që gabimisht ia ka dërguar gazetares), është arsye e mjaftueshme për nisjen e hetimeve ndaj kryeprokurorit dhe suspendim të tij.”, tha ajo.
Ministrja Haxhiu theksoi se tejkalimi i detyrave, favorizimi i kandidatëve dhe keqpërdorimi i pozitës nuk duhet të tolerohen.
Klikoni KËTU për tu bërë pjesë e kanalit të TV Prizreni në Youtube.
