Ministrja e Drejtësisë, Albulena Haxhiu, ka njoftuar se sapo kanë formalizuar grupin punues për Vetting në Sistemin e Drejtësisë.
Haxhiu përmes një postimi në llogarinë e saj në Facebook është shprehur se formimi i këtij grupi është shumë i rëndësishëm për shtetin e së drejtës.
“Në këtë Grup Punues, përveç përfaqësuesve të Ministrisë së Drejtësisë, do të jenë edhe përfaqësues nga institucionet e drejtësisë dhe institucioneve të tjera, shoqëria civile dhe gjithashtu ekspertë të tjerë të cilët do të kontribuojnë në këtë proces të rëndësishëm për vendin qytetarët.”
