Kryetari i Prizrnit, Mytaher Haskuka, ka shprehur ngushëllime për familjet e viktimave të prekura nga tërmeti në Turqi si dhe u ka uruar shërim sa më të shpejtë të plagosurve nga ky tërmet.
Shkrimi i plotë:
Me shqetësim të thellë mora lajmin për tërmetin, i cili ka goditur sot Izmirin dhe Komunën e Bornovës, komunë e binjakëzuar me Prizrenin.
Me këtë rast kam dërguar një mesazh solidariteti për kryetarin e Komunës së Bornovës, Mustafa İdug, të cilit i shpreha ngushëllimet e mia për familjet e viktimave dhe shërim sa më të shpejtë për të plagosurit.
Uroj që të gjithë qytetarët e Bornovës dhe të Izmirit të kalojnë këtë tërmet me sa më pak dëme e viktima!
Në këto momente të vështira, jemi me ju!
Gecmis olsun Turkiye!
