Kryetari i Komunës së Prizrenit, Mytaher Haskuka, në një postim në faqen e tij në facebook ka njoftuar se nxënësit e fshatit Gjonaj, së shpejti do të kenë një shkollë moderne e cila do t’i përmbushë të gjitha kushtet e nevojshme për të ofruar një mësimnxënie bashkëkohore dhe cilësore.
Ky është postimi i plotë:
Edhe nxënësit e fshatit Gjonaj të komunës sonë, së shpejti do të kenë një shkollë moderne e cila do t’i përmbushë të gjitha kushtet e nevojshme për të ofruar një mësimnxënie bashkëkohore dhe cilësore.
Kontrata e ndërtimit të objektit të ri 1,808 metër katrorësh, tashmë është nënshkruar dhe gurthemeli i saj do të hedhet së shpejti.
Brenda këtij objekti dy katësh, do të ketë 9 klasa mësimi, bibliotekë bashkëkohore, kabinete për zhvillimin e lëndëve të biologjisë, kimisë dhe informatikës, nyje sanitare për persona me nevoja të veçanta, si dhe shumë pjesë të tjera që do t’i plotësojnë kushtet e nevojshme për një edukim kualitativ.
Arsimi vazhdon të mbetet prioritet i qeverisjes sonë. Andaj, nuk do të ndalemi së punuari për krijimin e kushteve sa më të mira për gjithë nxënësit e komunës së Prizrenit.
#përfëmijët #përtëardhmen #përPrizrenin #nukndalemi #VVazhdojmë!
Mytaher Haskuka
Xhemile Thaçi Vezgishi
