Ambasadori britanik në Kosovë, Jonathan Hargreaves, tha se siguria evropiane është në zemër të miqësisë së thellë Britani e Madhe-Kosovë.
Hargreaves i vlerësoi si diskutime të mira takimet me komandantin e FSK-së, gjenerallejtënant Bashkim Jasharin dhe ministrin në detyrë të Mbrojtjes, Ejup Maqedonci, së bashku me atasheun e tyre të Mbrojtjes dhe këshilltarin e Mbrojtjes.
Ai njoftoi se në bisedë riafirmuan angazhimin e tyre për të mbështetur zhvillimin e vazhdueshëm të Forcës së Sigurisë së Kosovës, përafrimin e saj me standardet dhe strukturat e NATO-s, dhe forcimin e bashkëpunimit me Forcat e Armatosura të Mbretërisë së Bashkuar.
“Bashkëpunimi ynë po ndihmon në ndërtimin e një të ardhmeje më të sigurt për Kosovën dhe rajonin e gjerë” – theksoi ambasadori Hargreaves.
