Ambasadori i Britanisë së Madhe në Kosovë, Jonathan Hargreaves, ka theksuar se familjet e personave të zhdukur gjatë luftës në Kosovë kanë të drejtë të dinë të vërtetën për fatin e të dashurve të tyre.
Në Ditën Kombëtare të Personave të Zhdukur me Forcë, Hargreaves tha se është bashkuar me familjet dhe autoritetet e Kosovës për të nderuar kujtimin e të zhdukurve në luftë.
- Reklama -
“Anëtarët e familjeve të personave të zhdukur, nga të gjitha komunitetet e Kosovës, kanë të drejtë të dinë të vërtetën për fatin e të dashurve të tyre”, deklaroi ai.
Ambasadori britanik shtoi se Mbretëria e Bashkuar do të vazhdojë të mbështesë të gjitha qeveritë në Ballkanin Perëndimor në përpjekjet e tyre për të ofruar përgjigjet që familjet meritojnë.
- Reklama -