Kryetari i Aleancës për Ardhmërinë e Kosovës, Ramush Haradinaj, është shprehur i prekur nga lajmi i vdekjes së nënës Nushë, nënës së luftëtarit të ditëve të para të UÇK-së, Fatmir Nimanaj. Ai i ka shprehur ngushëllimet e tij familjes Nimanaj, duke thënë se një nënë fisnike që rriti një trim si Fatmiri, meriton respekt të përjetshëm.
”I prekur nga lajmi për kalimin në amshim të nënës Nushë, nënës së Heroit, Fatmir Nimanaj, luftëtarit të ditëve të para të UÇK-së. Një nënë fisnike e bujare që lindi e rriti një trim dhe luftëtar të paepur të lirisë si Fatmiri, e meriton respektin tonë të përjetshëm.
Ngushëllime të sinqerta familjes Nimanaj dhe të gjithë atyre që e njohën nga afër nënën Nushë.
Pushoftë e qetë në tokën e Kosovës!”, shkruan Haradinaj në Facebook./TVPrizreni/