Në Qendrën e Numërimit dhe të Rezultateve (QNR) është duke vazhduar procesimi i pakove me fletëvotime të supozuara nga jashtë Kosovës.
Organizata joqeveritare GERMIN, përmes vëzhguesve të akredituar në Komisionin Qendror të Zgjedhjeve (KQZ), është duke vëzhguar procesin e verifikimit të pakove me fletëvotime nga jashtë në Qendrën e Numërimit dhe të Rezultateve (QNR).
- Reklama -
Sipas kësaj organizate, sot deri në orën 12:00 janë procesuar 78% e zarfeve të supozuara me fletëvotime nga jashtë Kosovës, prej tyre janë verifikuar 57568 votues, ku janë aprovuar 41280 vota, ndërsa janë refuzuar 16288 vota, transmeton “Zeri.info”.
Një pjesë e zarfeve të refuzuara do të rishqyrtohen edhe një herë nga KQZ-ja, para se të fillojë procesi i numërimit. /Zëri
- Reklama -