Kandidati i Partisë Demokratike të Kosovës për kryeministër, Bedri Hamza, ka qëndruar në Gjilan e nga atje u ka kërkuar qytetarëve që ta votojnë.

Ai ka kërkuar votën për PDK-në në zgjedhjet e 28 dhjetorit tek ka theksuar se kjo parti iu shërben vetëm qytetarëve.

“Nga Gjilani, sepse Kosova do të ecë përpara me të gjithë qytetarët e saj. Më 28 dhjetor, arroganca e pushtetit përballet me votën tuaj. Votoni numrin 130. Votoni për një shtet që punon dhe iu shërben vetëm qytetarëve”, ka shkruar ai në Facebook.