Lëvizja Vetëvendosje, edhe pse doli fituese në zgjedhjet e 14 shkurtit me një rekord votash, pa numëruar votat me kusht dhe ato të diasporës, i duhet ndihma e partive tjera që kjo parti t’i formoj institucionet.
Përveç Kuvendit dhe Qeverisë, kësaj partie i nevojiten votat edhe për zgjedhjen e presidentit të vendit.
Vjosa Osmani synon t’ia sigurojë vetës kësaj një mandat të plotë Presidences së vendit. Por për t’u arritur tek kjo procedurë, në Kuvend duhen së paku në dy raundet e para t’i ketë 80 deputetë në sallë.
Anëtari dhe kandidati për deputet nga radhët e Partisë Demokratike të Kosovës (PDK), Xhavit Haliti, në një përgjigje për GazetaBlic, ka thënë se kjo çështje ende nuk është diskutuar.
“S’kemi një vendim të tillë as për e as kundër”, ka thënë Haliti, duke shtuar se përgjigja përfundimtare në lidhje me këtë do të jetë në momentin e duhur.