Një ngjarje e rëndë ka ndodhur mbrëmjen e 25 majit në fshatin Grazhdanik të komunës së Prizrenit, ku hajdutët kanë thyer një shtëpi dhe kanë vjedhur stoli ari, të cilat, sipas pronarit, kapin vlerën e rreth 10,000 eurove.
Banori i fshatit, nga familja Thaçi, tregon se rreth orës 20:00 deri në 23:00, shtëpia e tij, e ndodhur në rrugën “Besim Shala”, ka qenë e shënjestruar nga hajdutët, të cilët kanë thyer hyrjen dhe kanë vjedhur disa stoli ari të çmuara.
