Ish-kryetari i Organizatës së Veteranëve të Luftës së Ushtrisë Çlirimtare të Kosovës Hysni Gucati, sot do të bëjë homazhe tek Kompleksi Memorial në Prekaz.
Kështu deklaroi për Klankosova.tv Emin Lati, kryetar i OVL UÇK-së dega në Skenderaj.
“Po, do të ketë organizime. Do të nisemi nga shtëpia në Marinë, do të bëjmë homazhe tek varri i komandantit legjendar Adem Jashari”, tha Lati.
Ai tregoi edhe për aktivitetet e tjera.
“Më pas do të ketë pritje edhe nga komuna e Skenderajt, do të vendosen lule tek busti i komandantit. Fjalime nuk do të ketë”, tha ai.
Gucati mbërriti dje në Kosovë.
Ai u lirua nga burgimi në Hagë, pasi vuajti dënimi prej tre vjetësh.
Hysni Gucati, ishte dënuar me katërvjet e tre muaj burgim për pengim të punës së Gjykatës së Hagës.
Klikoni KËTU për tu bërë pjesë e kanalit të TV Prizreni në Youtube.
