Ish-Emisari i Presidentit Donald Trump, Richard Grenell ka kërkuar nga administrata e Joe Biden që të dënojë deklaratat e Albin Kurtit për bashkim me Shqipërinë.
Grenell ka shpërndarë një artikull të EuroNews ku kryetari i VV-së thotë se do të votonte pro bashkimit të Kosovës me Shqipërinë.
“Kjo duhet të dënohet nga Joe Biden dhe administrata e tij. Pse Albin Kurti po diskuton për zhbërjen e shtetit të tij”, ka shkruar Grenell.
https://twitter.com/RichardGrenell/status/1367502908393205760?ref_src=twsrc%5Etfw%7Ctwcamp%5Etweetembed%7Ctwterm%5E1367502908393205760%7Ctwgr%5E%7Ctwcon%5Es1_&ref_url=https%3A%2F%2Flajmi.net%2Fweb%2Ftweet-button
Grenell për ditë me radhë ka bërë akuza të ashpra ndaj liderit të Lëvizjes Vetëvendosje duke e quajtur “majtist antiamerkianë” dhe duke i thënë se ka qenë kundër të gjitha administratave në SHBA.
Grenell madje ka thënë se Kurti me gazin lotsjellës në Kuvendin e Kosovës në funksion të pengimit të votimit të demarkacionit me Malin e Zi ka zgjedhur “rrugë terroriste”, përpara se t’i dëgjojë SHBA-të.