Sot, rreth orës 18:30, një këmbësor ka humbur jetën si pasojë e një aksidenti trafiku në magjistralen Prizren – Gjakovë, në fshatin Piranë të Prizren.
Sipas informatave fillestare nga Policia, viktima, një mashkull rreth 81-vjeçar me inicialet D.H., është goditur nga një veturë teksa po tentonte të kalonte rrugën. Si pasojë e lëndimeve të rënda trupore, ai ka ndërruar jetë në vendin e ngjarjes, gjë e cila është konfirmuar nga ekipi mjekësor emergjent.
Njësitet policore kanë dalë menjëherë në vendin e ngjarjes dhe kanë ndërmarrë veprimet e nevojshme hetimore. I dyshuari për aksidentin është arrestuar dhe, me vendim të prokurorit, është ndaluar për procedura të mëtejme.
Me urdhër të prokurorit, trupi i pajetë i viktimës është dërguar për obduksion në Institutin e Mjekësisë Ligjore në Prishtinë.
Policia ka bërë të ditur se hetimet për zbardhjen e plotë të rrethanave të aksidentit janë duke vazhduar.
Klikoni KËTU për tu bërë pjesë e kanalit të TV Prizreni në Youtube.
